« Back to Calendar

Te Kaiaotanga o te Reo 2022 - Māori Revitalisation Language Symposium

May. 17 — 18, 2022 09:30 — 15:30

Add this to Calendar

Te Kaiaotanga o Te Reo, he hui whakarauora reo Māori ka tū nei ki Te Tauihu-o-Te-Waka-a-Māui.

Kei ngā pātaka pupuri kōrero o te motu, tēnā rā koutou katoa.

Nau mai rā ki Te Kaiaotanga o Te Reo, he hui whakarauora reo Māori ka tū nei ki Te Tauihu-o-Te-Waka-a-Māui. He mea manaaki tēnei hui e ngā iwi e rua nei, e Ngāti Apa ki Te Rā Tō me Rangitāne o Wairau. He tino tuatahitanga tēnei momo hui ki roto i tēnei o ō tātau kāinga kua hia whakatipuranga nei e ngaro ana te reo Māori. Heoi anō, arā tonu ētahi mahi e taea nei e tātau katoa.

Me rere i konei tētahi mihi nui ki ngā mātanga o te reo e tautoko mai nei i tēnei kaupapa nui whakaharahara. Nā koutou e rangatira nei tēnei huihuinga! Nō mātau te māringanui!

Ahakoa he kupu itiiti noa rā ēnei, he iti i ahu mai nō roto i te kōpua kānapanapa.

Haere mai rā, e ngā iwi, e ngā waka, e ngā mana o tēnā takiwā, o tēnei takiwā!

Nau mai ki Te Kaiaotanga o Te Reo!

Ngā kōrero mō te kaupapa | About

Ko Te Tauihu-o-Te-Waka-a-Māui tētahi o ngā tini rohe i pāngia kinotia ki te whakamōtī o te reo Māori. Nā ngā āhuatanga o te wā kua riro nei mā tēnā iwi, mā tēnā iwi tōna anō huarahi e para ki te whakarite rautaki whakarauora i te reo Māori e tāmatemate nei. Heoi anō, arā tonu ētahi mahi e taea nei e tātau katoa.

Hiamo ana a Ngāti Apa ki Te Rā Tō me Rangitāne o Wairau i te whakahaere ngātahitia o te hui whakarauora reo tuarua ka tū ki tēnei rohe. He mea tapa e Ahorangi Tā Tīmoti Kāretu te ingoa nei o Te Kaiaotanga o Te Reo. Ko tāna he whakaaweawe i ngā māngai reo o te rohe mā te tono mai i ētahi o ngā mātanga reo rongonui o te motu. 

E whai nei tēnei hui, ka rua rā te roa e tū nei ki Whakatū ā te 17 me te 18 o Haratua, ki te whakamana i ngā toka tū moana reo o te rohe e whakaheke mōtuhi nei i roto i ngā mahi whakarauora. E whai hoki nei kia whakapūmau i te tohaina o aua mātauranga ki te hapori whānui o Te Tauihu.
 
Te Tauihu-o-Te-Waka-a-Māui is one of many regions to have experienced the devastating loss of Māori language. We stand in a time when tribes must embark on their own journey to develop revitalisation strategies aimed at saving te reo Māori from the brink of extinction. 

But there are things we can do together. 

Ngāti Apa ki Te Rā Tō and Rangitāne o Wairau are thrilled to work collaboratively to facilitate the second Māori language symposium to be held within the region. Named by language champion, Sir Tīmoti Kāretu, Te Kaiaotanga o Te Reo aims to inspire local language advocates by enlisting some of the country’s greatest known language exponents. 

This two-day symposium, to be held in Whakatu (Nelson) on May 17 and 18, 2022, aims to both empower local language stalwarts who are working hard at the helm of revitalisation efforts and also ensure related mātauranga is shared with the wider Te Tauihu community.

Ngā kaikōrero |Speakers 2022

Tā Tīmoti Kāretu

Stacey Morrison

Te Aorere Pewhairangi

Dr Hinurewa Poutu

Paraone Gloyne

Hemi Tai Tin

Janis & Anthony de Thierry

Click  Tikiti | Tickets  to obtain your entry to the Symposium.